Ishq mein aisa kyun hota hai?
Ishq mein itna dard kyun hota hai
Aankhein hansti hain par dil kyun rota hai
Inkaar mein bhi ikraar kyun lagta hai
Nafrat mein bhi pyar kyun lagta hai
Ishq mein aisa kyun hota hai?
Koi begaana itna apna kyun lagta hai
Har fasaana ek sapna kyun lagta hai
Har lamha kisika deedar kyun hota hai
Dushman par bhi aetbaar kyun hota hai
Ishq mein aisa kyun hota hai?
Raatein itni haseen kyun lagti hain
Duniya itni rangeen kyun lagti hai
Jeene mein itna mazaa kyun aata hai
Kyun andhere mein bhi ujaala cha jaata hai
Ishq mein aisa kyun hota hai?
Sitaaron se dil baatein kyun karta hai
Koi kisi par itna kyun marta hai
Koi kisi se itna kyun rooth jaata hai
Kyun ishq mein yeh dil hamesha toot jaata hai
Ishq mein aisa kyun hota hai?
No comments:
Post a Comment